தவறவிடாதீர்கள்..!உடனே பதிவு செய்யுங்கள்

மினுவாங்கொடை பொலிஸ் பிரிவுக்கு உட்பட்ட குருணாகல் - கொழும்பு பிரதான வீதியில் கல்கந்த சந்திக்கு அருகில் இடம்பெற்ற விபத்தில் வயோதிபர் ஒருவர் உயிரிழந்துள்ளதாக மினுவாங்கொடை பொலிஸார் தெரிவித்தனர். 

இந்த விபத்து நேற்று திங்கட்கிழமை (10) மாலை இடம்பெற்றுள்ளது.

குருணாகலில் இருந்து கொழும்பு நோக்கிப் பயணித்த லொறி ஒன்று வீதியில் பயணித்த வயோதிபர் ஒருவர் மீது மோதியதில் இந்த விபத்து இடம்பெற்றுள்ளது.

விபத்தில் படுகாயமடைந்த வயோதிபர், மினுவாங்கொடை வைத்தியசாலையில் அனுமதிக்கப்பட்ட பின்னர் உயிரிழந்துள்ளதாக பொலிஸார் தெரிவித்தனர். 

உயிரிழந்தவர் திவுலபிட்டிய பிரதேசத்தைச் சேர்ந்த 65 வயதுடைய வயோதிபர் ஆவார்.

இதனையடுத்து, லொறியின் சாரதி சந்தேகத்தின் பேரில் பொலிஸாரால் கைது செய்யப்பட்டுள்ளார்.

இது தொடர்பான மேலதிக விசாரணைகளை மினுவாங்கொடை பொலிஸார் மேற்கொண்டு வருகின்றனர்.