தவறவிடாதீர்கள்..!உடனே பதிவு செய்யுங்கள்

கொழும்பு, கொட்டாஞ்சேனை பொலிஸ் பிரிவிற்குட்பட்ட  திங்கட்கிழமை  (10)  பெனடிக்ட்  மாவத்தையில்  துப்பாக்கிப் பிரயோக சம்பவம் இடம்பெற்றுள்ளது.

குறித்த துப்பாக்கிச் சூட்டில் ஒருவர் படுகாயமடைந்து கொழும்பு தேசிய வைத்தியசாலையில் அனுமதிக்கப்பட்ட நிலையில் சிகிச்சை பலனின்றி உயிரிழந்துள்ளார்.

துப்பாக்கிச் சூட்டில் 43 வயதுடைய நபர் ஒருவரே உயிரிழந்துள்ளதாக பொலிஸார் தெரிவித்தனர்.

பொலிஸார் மேற்கொண்ட  விசாரணையில், மோட்டார் சைக்கிளில் வருகைதந்த  இரண்டு நபர்களினால்  இந்த துப்பாக்கிச் சூடு நடத்தப்பட்டுள்ளதாகவும்  துப்பாக்கிச் சூட்டுக்கு T-56 ரக துப்பாக்கி பயன்படுத்தப்பட்டதாகவும் தெரியவந்துள்ளது.

 மேலும் , துப்பாக்கிச் சூட்டை நடத்தியவர்களை கண்டறிய பொலிஸார் மேலதிக விசாரணைகளை பொலிஸார் மேற்கொண்டுவருகின்றனர்.