தவறவிடாதீர்கள்..!உடனே பதிவு செய்யுங்கள்

மாளிகாவத்தை பொலிஸ் பிரிவுக்குட்பட்ட ஜும்மா மஸ்ஜிட் வீதியில், ஹெரோயின் போதைப்பொருள் வைத்திருந்த சந்தேக நபர் ஒருவர் பொலிஸாரால் கைது செய்யப்பட்டுள்ளார்.

மாளிகாவத்தை பொலிஸ் நிலைய அதிகாரிகள் குழுவிற்கு கிடைத்த இரகசிய தகவலின் அடிப்படையில் மேற்கொள்ளப்பட்ட சுற்றிவளைப்பின் போதே இவர் ஞாயிற்றுக்கிழமை (09) கைது செய்யப்பட்டுள்ளார்.

கைது செய்யப்பட்டவர், மாளிகாவத்தை ஜும்மா மஸ்ஜிட் பகுதியைச் சேர்ந்த 36 வயதுடையவர் ஆவார்.

சந்தேக நபரிடம் இருந்து, 05 கிராம் 250 மில்லி கிராம் ஹெரோயின் போதைப்பொருள் பொலிஸாரால் கைப்பற்றப்பட்டுள்ளது.

இது தொடர்பான மேலதிக விசாரணைகளை மாளிகாவத்தை பொலிஸார் மேற்கொண்டு வருகின்றனர்.