தவறவிடாதீர்கள்..!உடனே பதிவு செய்யுங்கள்

அத்துருகிரிய பொலிஸ் பிரிவுக்குட்பட்ட ஹபரகொட மற்றும் பனாகொட பிரதேசங்களில், ஹெரோயின் போதைப்பொருள் வைத்திருந்த இருவர் கைது செய்யப்பட்டுள்ளதாக பொலிஸார் தெரிவித்தனர்.

அத்துருகிரிய பொலிஸ் நிலைய அதிகாரிகள் குழுவிற்கு கிடைத்த இரகசிய தகவலின் அடிப்படையில் மேற்கொள்ளப்பட்ட சுற்றிவளைப்பின் போதே இவர்கள் ஞாயிற்றுக்கிழமை கைது செய்யப்பட்டுள்ளனர்.

கைதுசெய்யப்பட்ட சந்தேக நபர்கள், ஹோமாகம பிரதேசத்தைச் சேர்ந்த 32, 50 வயதுடையவர்கள் ஆவார்.

கைதானவர்களிடம் இருந்து, 05 கிராம் 400 மில்லிகிராம் ஹெரோயின் மற்றும் 05 கிராம் 300 மில்லிகிராம் ஹெரோயின் பொலிஸாரால் கைப்பற்றப்பட்டுள்ளது.

இது தொடர்பான மேலதிக விசாரணைகளை அத்துருகிரிய பொலிஸார் மேற்கொண்டு வருகின்றனர்.