தவறவிடாதீர்கள்..!உடனே பதிவு செய்யுங்கள்

கொழும்பு - வெல்லவாய வீதியில் எத்தகம பிரதேசத்தில் இடம்பெற்ற விபத்தில் ஒருவர் உயிரிழந்துள்ளதாக பயாகலை பொலிஸார் தெரிவித்தனர்.

இந்த விபத்து நேற்று வெள்ளிக்கிழமை (07) மாலை இடம்பெற்றுள்ளது.

களுத்துறையிலிருந்து பயாகலை நோக்கிப் பயணித்த முச்சக்கரவண்டி ஒன்றும் லொறி ஒன்றும் நேருக்கு நேர் மோதியதில் இந்த விபத்து இடம்பெற்றுள்ளது.

விபத்தின் போது முச்சக்கரவண்டியின் சாரதி படுகாயந்துள்ள நிலையில் நாகொடை வைத்தியசாலையில் அனுமதிக்கப்பட்ட பின்னர் உயிரிழந்துள்ளதாக பொலிஸார் தெரிவித்தனர்.

உயிரிழந்தவர் மக்கொன பிரதேசத்தைச் சேர்ந்த 34 வயதுடையவர் ஆவார். 

இதனையடுத்து, லொறியின் சாரதி சந்தேகத்தின் பேரில் பொலிஸாரால்  கைது செய்யப்பட்டுள்ளார்.

இது தொடர்பான மேலதிக விசாரணைகளை பயாகலை பொலிஸார் மேற்கொண்டு வருகின்றனர்.