தவறவிடாதீர்கள்..!உடனே பதிவு செய்யுங்கள்

அரகலய போராட்டங்களின் போது கோட்டாபய மற்றும் மகிந்த ராஜபக்ச ஆகியோருக்கு ஆதரவாக செயற்பட்ட அமைச்சர்கள், எம்.பிக்களின் வீடுகள் போராட்டக் காரர்களால் சேதமாக்கப்பட்டன. சில வீடுகள் தீ வைக்கப்பட்டன. இவர்கள் அனைவரும் தமது இழப்பீட்டை குறுகிய காலத்தில் அதுவும் கோடியாகவும் இலட்சங்களாகவும் பெற்றுள்ளனர். இதற்கு பின்னணியில் அப்போது செயற்பட்டவர் ஜனாதிபதி ரணில் என்பது முக்கிய விடயம். பாராளுமன்றில் அவர் ஜனாதிபதியாவதற்கு ஆதரவாக மகிந்த அணியினர் செயற்பட்டிருந்தனர். அதற்கு பிரதி உபகாரணமாக பாதிக்கப்பட்ட 43 பிரதிநிதிகளுக்கும் இழப்பீட்டு தொகையை விரைவாக பெற்றுக்கொடுப்பதற்கு ரணில் தனது அதிகாரத்தை பயன்படுத்தியுள்ளார். பிரதேச செயலாளர்கள், மாவட்ட செயலாளர்கள், அனர்த்த முகாமைத்துவ அமைச்சின் அதிகாரிகள் ஆகியோரை அழுத்தங்களுக்கு உட்படுத்தியே மேற்படி அரசியல்வாதிகள் இந்த இழப்பீட்டுத் தொகையைப் பெற்றுக்கொண்டுள்ளனர் என அமைச்சர் நளின் ஜயதிஸ்ஸ பாராளுமன்றத்தில் தெரிவித்துள்ளார்.