தவறவிடாதீர்கள்..!உடனே பதிவு செய்யுங்கள்

தமிழின் முன்னணி நட்சத்திர நடிகரான சித்தார்த் முதன்மையான கதாபாத்திரத்தில் நடித்திருக்கும் '3 BHK' எனும் திரைப்படத்தின் பிரத்யேக அறிமுக காணொளி வெளியிடப்பட்டிருக்கிறது.

இயக்குநர் ஸ்ரீ கணேஷ் இயக்கத்தில் உருவாகி வரும் '3 BHK' எனும் திரைப்படத்தில் சித்தார்த், சரத்குமார், தேவயானி, யோகி பாபு , மீதா ரகுநாத், சைத்ரா உள்ளிட்ட பலர் நடித்திருக்கிறார்கள். தினேஷ் கிருஷ்ணன் மற்றும் ஜிதின் ஸ்டானிஸ்லாஸ் ஒளிப்பதிவு செய்து வரும் இந்த திரைப்படத்திற்கு அம்ரீத் ராம்நாத் இசையமைக்கிறார். நடுத்தர குடும்பத்து மக்களின் வாழ்வியலை பிரதிபலிக்கும் இந்த திரைப்படத்தை சாந்தி டாக்கீஸ் நிறுவனம் சார்பில் தயாரிப்பாளர் அருண் விஷ்வா தயாரிக்கிறார்.

இப்படத்தின் படப்பிடிப்பு பணிகள் விறுவிறுப்பாக நடைபெற்று வருகிறது. இந்நிலையில் இப்படத்திற்கு' 3 BHK'  என பெயரிடப்பட்டு, அதற்குரிய பிரத்யேக காணொளி வெளியிடப்பட்டிருக்கிறது. இதில் நடுத்தர வர்க்கத்து மனிதர்களின் வாழ்வியல் லட்சியமான சொந்த வீடு தொடர்பான காட்சிகள் இடம் பிடித்திருப்பதால் அனைத்து தரப்பு ரசிகர்களையும் வெகுவாக கவர்ந்திருக்கிறது. அத்துடன் சரத்குமார், தேவயானி மீண்டும் ஜோடி சேர்ந்திருப்பதால் படத்தைப் பற்றிய எதிர்பார்ப்பும் அதிகரித்திருக்கிறது.