தவறவிடாதீர்கள்..!உடனே பதிவு செய்யுங்கள்

(செ.சுபதர்ஷனி)

நாட்டின் 77வது தேசிய சுதந்திர தினத்தை முன்னிட்டு ஜனாதிபதிக்கு வழங்கப்பட்டுள்ள அதிகாரங்களின் பிரகாரம் இன்று செவ்வாய்க்கிழமை (04) நாட்டின் அனைத்து சிறைச்சாலைகளிலும் உள்ள 285 கைதிகளுக்கு விசேட அரச பொது மன்னிப்பு வழங்கப்பட்டது.

நாட்டின் 77ஆவது தேசிய சுதந்திர தினத்தை முன்னிட்டு கைதிகளுக்கு விசேட அரச பொது மன்னிப்பு வழங்க தீர்மானிக்கப்பட்டதுடன், அரசியலமைப்பின் 34வது பிரிவின் மூலம் ஜனாதிபதிக்கு வழங்கப்பட்டுள்ள அதிகாரங்களுக்கமைய தேர்வு செய்யப்பட்ட 285 கைதிகளுக்கு இந்த சிறப்பு அரச மன்னிப்பு வழங்கப்பட்டுள்ளது.

அந்த வகையில் இன்று செவ்வாய்க்கிழமை 6 பெண்களும் 279 ஆண்களும் உள்ளடங்கலாக 285 கைதிகள் விடுதலை செய்யப்பட்டனர்.

இந்த கைதிகளுக்கு நிபந்தனைகள் மற்றும் வரம்புகளுக்கு அமையவே பொது மன்னிப்பு வழங்கப்பட்டுள்ளதாக சிறைச்சாலை ஆணையாளரும் ஊடகப் பேச்சாளருமான காமினி பி. திஸாநாயக்க தெரிவித்துள்ளார்.