தவறவிடாதீர்கள்..!உடனே பதிவு செய்யுங்கள்

யாழ்ப்பாணத்தில்  இளைஞன் ஒருவரை வெளிநாட்டிற்கு  அனுப்பி வைப்பதாக கூறி பண மோசடியில் கைது செய்யப்பட்ட ஆசிரியர் நீதிமன்ற உத்தரவில் பேரில் பிணையில் விடுவிக்கப்பட்டுள்ளார்.  

இந்த ஆசிரியர்  இளைஞன் ஒருவரை வெளிநாட்டிற்கு  அனுப்பி வைப்பதாக கூறி , இளைஞனிடம்  68 இலட்ச ரூபாய் பணத்தினை பெற்றுள்ளார். 

பணத்தினை பெற்ற ஆசிரியர்  நீண்ட காலமாக இளைஞனை வெளிநாட்டிற்கு  அனுப்பி வைக்காதமையால் , பாதிக்கப்பட்ட இளைஞன் யாழ்ப்பாண பொலிஸ் நிலையத்தில் முறைப்பாடு செய்துள்ளாார். 

முறைப்பாட்டின் பிரகாரம் யாழ்ப்பாண பொலிஸ் நிலைய பொலிஸார் விசாரணைகளை முன்னெடுத்தனர்.  

விசாரணையின் பின் ஆசிரியரை கைது செய்து யாழ். நீதவான் நீதிமன்றில் முற்படுத்திய வேளை , இளைஞனிடம் பெற்ற முழு பணத்தினையும் , இளைஞனிடம் கையளிக்கிறேன் என மன்றில் கூறி பணத்தினை இளைஞனிடம் மீள கையளித்தார். 

அதனை அடுத்து , ஆசிரியரை பிணையில் செல்ல அனுமதித்த மன்று வழக்கினை ஒத்திவைத்துள்ளதுடன் சம்பவம் தொடர்பான மேலதிக விசாரணைகளை பொலிஸார் முன்னெடுத்து வருகின்றனர்.