தவறவிடாதீர்கள்..!உடனே பதிவு செய்யுங்கள்

ஒன்லைன் ரயில் டிக்கெட் மோசடியுடன் தொடர்புடைய மற்றுமொரு சந்தேகநபர் கண்டியில் கைது செய்யப்பட்டுள்ளார்.

கண்டி பிரதேச விசேட குற்றப் புலனாய்வுப் பிரிவின் அதிகாரிகள் குழுவினால் கண்டி ரயில் நிலையத்திற்கு அருகில் வைத்து சந்தேகநபர் நேற்று (26) கைது செய்யப்பட்டதாக தெரிவிக்கப்படுகிறது.

சந்தேக நபர் ரயில் டிக்கெட்டுகளை வெளிநாட்டவர்களுக்கு அதிக விலைக்கு விற்பனை செய்து வந்துள்ளதுடன், அவரிடமிருந்து இரண்டு இ-டிக்கெட்டுகள் மற்றும் இரண்டு கையடக்க தொலைபேசிகளையும் பொலிஸார் கைப்பற்றியுள்ளனர்.

கைது செய்யப்பட்ட சந்தேக நபர் கடுகன்னாவை பிரதேசத்தைச் சேர்ந்த 32 வயதுடையவர் என தெரிவிக்கப்பட்டுள்ளது. 

குறித்த நபர் மேலதிக விசாரணைக்காக குற்றப் புலனாய்வுத் திணைக்களத்திடம் (சிஐடி) ஒப்படைக்கப்பட்டுள்ளார்.

அதன்படி, சம்பவம் தொடர்பான மேலதிக விசாரணைகளை குற்றப் புலனாய்வுப் பிரிவினர் மேற்கொண்டு வருகின்றனர்.