தவறவிடாதீர்கள்..!உடனே பதிவு செய்யுங்கள்

கொழும்பு, கிராண்ட்பாஸ் பொலிஸ் பிரிவிற்கு உட்பட்ட சிறிபால பிந்து மாவத்தை பகுதியில் நேற்று வியாழக்கிழமை (23) ஐஸ் போதைப்பொருளுடன் நான்கு சந்தேக நபர்கள் கைது செய்யப்பட்டதாக கொழும்பு பொலிஸ் குற்றத் தடுப்பு பிரிவினர் தெரிவித்தனர். 

கொழும்பு பொலிஸ் குற்றத் தடுப்பு பிரிவினருக்கு கிடைத்த தகவலின் பேரில் மேற்கொள்ளப்பட்ட சுற்றிவளைப்பில் சந்தேக நபர்கள் கைது செய்யப்பட்டுள்ளனர்.

சந்தேக நபர்களிடமிருந்து 532 கிராம் 920 மில்லி கிராம் , 6 கிராம் 510 மில்லி கிராம் , 04 கிராம் 365 மில்லி கிராம் ஐஸ் போதைப்பொருள் கைப்பற்றப்பட்டுள்ளன. 

கைது செய்யப்பட்ட சந்தேக நபர்கள் நால்வரும் சேதவத்தை பகுதியை சேரந்த 22, 23, 30 மற்றும் 47 வயதுடையவர்கள் ஆவர். 

இது தொடர்பான மேலதிக விசாரணைகளை கொழும்பு பொலிஸ் குற்றத் தடுப்பு பிரிவினர் முன்னெடுத்து வருகின்றனர்.