பார்த்திபன் வெளியிட்ட ' புரவியாட்டம் ' பட பர்ஸ்ட் லுக்

Published By: Digital Desk 2

16 Jan, 2025 | 05:04 PM
image

புதுமுக நடிகர் அர்ஜு கதையின் நாயகனாக அறிமுகமாகும் ' புரவியாட்டம் ' எனும் படத்தின் ஃபர்ஸ்ட் லுக் வெளியிடப்பட்டிருக்கிறது. இதனை இயக்குநரும், நடிகருமான ஆர் . பார்த்திபன் அவருடைய சமூக வலைதள பக்கத்தில் வெளியிட்டு, படக் குழுவினருக்கு தன் பாணியில் வாழ்த்து தெரிவித்திருக்கிறார்.

இயக்குநர் டி. விநாயகா சுப்பிரமணியன் இயக்கத்தில் உருவாகி வரும் ' புரவியாட்டம் ' எனும் திரைப்படத்தில் அர்ஜு, அனிதா வினோத், நிழல்கள் ரவி, கஞ்சா கருப்பு, சாய் தீனா உள்ளிட்ட பலர் நடித்திருக்கிறார்கள்.

கணேஷ் ராகவேந்திரா ஒளிப்பதிவு செய்திருக்கும் இந்த திரைப்படத்திற்கு மகாதேவன் சுப்ரமணியன் இசையமைத்திருக்கிறார்.   

புரவியாட்டம் எனும் கிராமிய கலையை முதன்மைப்படுத்தி தயாராகி இருக்கும் இந்த திரைப்படத்தை வெற்றி விநாயகா புரொடக்ஷன்ஸ் நிறுவனம் சார்பில் தயாரிப்பாளஙர் டி. விநாயகா சுப்பிரமணியன், வி. கஸ்தூரி , திருப்பதி ராஜா , ஆகியோர் இணைந்து தயாரித்திருக்கிறார்கள்.

இத்திரைப்படத்தின் படப்பிடிப்பு பணிகள் நிறைவடைந்து தற்போது படப்பிடிப்புக்கு பிந்தைய தொழில்நுட்ப பணிகள் விறுவிறுப்பாக நடைபெற்று வருகிறது. இந்நிலையில் இப்படத்தின் ஃபர்ஸ்ட் லுக் வெளியிடப்பட்டிருக்கிறது. 

இதில் ஆலய திருவிழா ஒன்றில் புரவியாட்ட பின்னணியில் கதை நாயகனும், நாயகியும் தோன்றுவது போல் வடிவமைக்கப்பட்டிருப்பதால்... பாமர ரசிகர்களின் கவனத்தை கவர்ந்திருக்கிறது.

முக்கிய செய்திகள்

icon-left
icon-right