நடிகர் மணிகண்டன் நடிக்கும் 'குடும்பஸ்தன்' படத்தின் இரண்டாவது பாடல் வெளியீடு

Published By: Digital Desk 2

16 Jan, 2025 | 05:03 PM
image

'குட்நைட் ', ' லவ்வர்' என தொடர்ந்து இரண்டு வெற்றி படங்களை வழங்கி, ஹாட்ரிக் வெற்றிக்காக காத்திருக்கும் நடிகர் மணிகண்டன்- கதையின் நாயகனாக நடித்திருக்கும்' குடும்பஸ்தன்' எனும் திரைப்படத்தில் இடம்பெற்ற ' கண்ணக் கட்டிக்கிட்டு..' எனும் பாடலும், பாடலுக்கான லிரிக்கல் விடியோவும் வெளியிடப்பட்டிருக்கிறது.

இயக்குநர் ராஜேஸ்வர் காளிச்சாமி இயக்கத்தில் உருவாகி வரும் 'குடும்பஸ்தன் ' எனும் திரைப்படத்தில் மணிகண்டன், சான்வீ மேக்னா, குரு சோமசுந்தரம், ஆர். சுந்தர்ராஜன், பிரசன்னா பாலச்சந்திரன், ஜென்சன் திவாகர் உள்ளிட்ட பலர் நடித்திருக்கிறார்கள். 

சுஜித் என். சுப்பிரமணியம் ஒளிப்பதிவு செய்திருக்கும் இந்த திரைப்படத்திற்கு வைசாக் இசையமைத்திருக்கிறார். நடுத்தர வர்க்கத்து மக்களின் பொருளாதாரம் சார்ந்த வாழ்வியலை மையப்படுத்திய இந்த திரைப்படத்தை சினிமாக்காரன் நிறுவனம் சார்பில் தயாரிப்பாளர் எஸ். வினோத்குமார் தயாரித்திருக்கிறார்.

எதிர்வரும் 24 ஆம் திகதியன்று உலகம் முழுவதும் பட மாளிகையில் வெளியாகும் என அறிவிக்கப்பட்டிருக்கும் இந்த திரைப்படத்தில் இடம்பெற்ற ' கண்ணக் கட்டிக்கிட்டு ஓடும் உலகம்' எனத் தொடங்கும் இரண்டாவது பாடலும், பாடலுக்கான லிரிக்கல் விடியோவும் வெளியிடப்பட்டிருக்கிறது. 

இந்த பாடலை பாடலாசிரியர் வைசாக் எழுத , பின்னணி பாடகர் ஜீ. வி. பிரகாஷ் குமார் பாடியிருக்கிறார். இந்தத் திரைப்படத்தில் இடம்பெற்ற முதல் பாடல் இசை ரசிகர்களின் கவனத்தை கவர்ந்து மில்லியன் கணக்கிலான வரவேற்பை பெற்றதை போல், இந்த பாடலுக்கும் பெரும் வரவேற்பு கிடைக்கும் என எதிர்பார்க்கப்படுகிறது.

முக்கிய செய்திகள்

icon-left
icon-right