நடிகர் 'கெத்து' தினேஷ் நடிக்கும் 'கருப்பு பல்சர்' படத்தின் முதல் தோற்ற பார்வை வெளியீடு

Published By: Digital Desk 2

16 Jan, 2025 | 05:41 PM
image

தமிழ் திரையுலகில் 'அட்டகத்தி' தினேஷ் ஆக அறிமுகமாகி 'கெத்து' தினேஷ் ஆக பிரபலமாகி இருக்கும் நடிகர் தினேஷ் நடிப்பில் தயாராகும் 'கருப்பு பல்சர் ' எனும் திரைப்படத்தின் முதல் தோற்றப் பார்வை வெளியிடப்பட்டிருக்கிறது. இதனை இயக்குநர் எம். ராஜேஷ் அவரது சமூக வலைதள பக்கத்தில் வெளியிட்டு படக்குழுவினருக்கு வாழ்த்து தெரிவித்திருக்கிறார்.

இயக்குநர் எஸ். முரளி கிரிஷ் இயக்கத்தில் உருவாகி வரும் ' கருப்பு பல்சர் ' எனும் திரைப்படத்தில் 'கெத்து' தினேஷ் கதையின் நாயகனாக நடிக்க, அவருடன் நடிகை ரேஷ்மா வெங்கடேஷ் முக்கிய வேடத்தில் நடிக்கிறார். 

பாஸ்கர் ஆறுமுகம் ஒளிப்பதிவு செய்திருக்கும் இந்த திரைப்படத்திற்கு இன்பராஜ் ராஜேந்திரன் இசையமைத்திருக்கிறார்.  இந்தத் திரைப்படத்தை யாசோ என்டர்டெய்ன்மென்ட்ஸ் நிறுவனம் சார்பில் தயாரிப்பாளர் டொக்டர் எம். சத்யா தயாரித்திருக்கிறார்.

இப்படத்தின் படப்பிடிப்பு பணிகள் நிறைவடைந்து தற்போது படப்பிடிப்புக்கு பிந்தைய தொழில்நுட்ப பணிகள் விறுவிறுப்பாக நடைபெற்று வருகிறது. இந்நிலையில் இப்படத்தின் முதல் தோற்ற பார்வை வெளியிடப்பட்டிருக்கிறது. 

இதில் 'கெத்து' தினேஷின் தோற்றம், அவர் மாடு பிடி வீரராகவும், ஜல்லிக்கட்டு மாடான கருப்பு பல்சரை வளர்க்கும் வீரராகவும் இருக்கக் கூடும் என்ற எண்ணத்தை பார்வையாளர்களிடத்தில் ஏற்படுத்தியிருப்பதால் இந்த படத்தைப் பற்றிய எதிர்பார்ப்பு அதிகரித்திருக்கிறது.

முக்கிய செய்திகள்

icon-left
icon-right