காதலர் தினத்தன்று வெளியாகும் பிரதீப் ரங்கநாதனின் 'டிராகன்'

16 Jan, 2025 | 04:45 PM
image

இயக்குநரும் நடிகருமான பிரதீப் ரங்கநாதன் கதையின் நாயகனாக நடித்திருக்கும் 'டிராகன்' எனும் திரைப்படத்தின் வெளியீட்டு திகதி அதிகாரப்பூர்வமாக பிரத்யேக புகைப்படத்துடன் அறிவிக்கப்பட்டிருக்கிறது.

இயக்குநர் அஸ்வத் மாரிமுத்து இயக்கத்தில் உருவாகி வரும் 'டிராகன்' எனும் திரைப்படத்தில் பிரதீப் ரங்கநாதன், அனுபமா பரமேஸ்வரன், கயாடு லோஹர், கே.எஸ். ரவிக்குமார், கௌதம் வாசுதேவ் மேனன், மிஷ்கின், மரியம் ஜார்ஜ், வி ஜே சித்து, அர்ஷத் கான், இந்துமதி மணிகண்டன் உள்ளிட்ட பலர் நடித்திருக்கிறார்கள். நிகேத் பொம்மி ஒளிப்பதிவு செய்திருக்கும் இந்த திரைப்படத்திற்கு லியோன் ஜேம்ஸ் இசையமைத்திருக்கிறார். காதலை மையப்படுத்தி தயாராகி இருக்கும் இந்த திரைப்படத்தை ஏ ஜி எஸ் என்டர்டெய்ன்மென்ட் நிறுவனம் சார்பில் கல்பாத்தி எஸ். அகோரம், கல்பாத்தி எஸ். கணேஷ், கல்பாத்தி எஸ். சுரேஷ் ஆகியோர் இணைந்து தயாரித்திருக்கிறார்கள்.‌

இப்படத்தில் இடம்பெற்ற இரண்டு பாடல்கள் வெளியாகி, இரண்டு மில்லியனுக்கும் மேற்பட்ட பார்வையாளர்களால் பார்வையிடப்பட்டு சாதனை படைத்து வருகிறது. மேலும் இப்படத்தை காண்பதற்கான ஆவலையும் தூண்டி இருக்கிறது. இந்நிலையில் இப்படம் காதலர் தினமான எதிர்வரும் பெப்ரவரி மாதம் 14ஆம் திகதியன்று உலகம் முழுவதும் தமிழ் மற்றும் தெலுங்கு ஆகிய மொழிகளில் பட மாளிகைகளில் வெளியாகும் என அறிவிக்கப்பட்டிருக்கிறது.

இதனிடையே பிரதீப் ரங்கநாதன் இயக்கிய 'கோமாளி' திரைப்படமும், பிரதீப் ரங்கநாதன் நாயகனாக நடித்த 'லவ் டுடே 'எனும் திரைப்படமும், வணிக ரீதியாகவும் விமர்சன ரீதியாகவும் பாரிய வெற்றியை பெற்றது. இதனால் இவரது நடிப்பில் உருவாகி வரும் 'டிராகன்' படத்திற்கு ரசிகர்களிடையே பெரும் எதிர்பார்ப்பு ஏற்பட்டிருக்கிறது என்பது குறிப்பிடத்தக்கது.‌

முக்கிய செய்திகள்

icon-left
icon-right