கவனம் ஈர்க்கும் பிரதீப் ரங்கநாதனின் 'டிராகன்' பட பாடல்

15 Jan, 2025 | 06:18 PM
image

இயக்குநரும் நடிகருமான பிரதீப் ரங்கநாதன் நடிப்பில் தயாராகி வரும் 'டிராகன்' எனும் திரைப்படத்தில் இடம்பெற்ற 'வழித் துணையே..' எனும் புதிய பாடலும் பாடலுக்கான லிரிக்கல் வீடியோவும் வெளியிடப்பட்டிருக்கிறது.

'ஓ மை கடவுளே' எனும் வெற்றி படத்தை இயக்கிய இயக்குநர் அஸ்வத் மாரிமுத்து இயக்கத்தில் உருவாகி வரும் 'டிராகன்' எனும் திரைப்படத்தில் பிரதீப் ரங்கநாதன் , அனுபமா பரமேஸ்வரன்,  கயாடு லோஹர், கே.எஸ். ரவிக்குமார், கௌதம் வாசுதேவ் மேனன், மிஷ்கின், வி.ஜே. சித்து,  ஹர்ஷத் கான்,  மரியம் ஜார்ஜ், இந்துமதி மணிகண்டன் உள்ளிட்ட பலர் நடித்திருக்கிறார்கள்.

நிகேத் பொம்மி ஒளிப்பதிவு செய்திருக்கும் இந்த திரைப்படத்திற்கு லியோன் ஜேம்ஸ் இசையமைத்திருக்கிறார். இந்த திரைப்படத்தை ஏ ஜி எஸ் என்டர்டெய்ன்மென்ட் பிரைவேட் லிமிடெட் நிறுவனம் சார்பில் தயாரிப்பாளர்கள் கல்பாத்தி எஸ். அகோரம் - கல்பாத்தி எஸ். கணேஷ்-  கல்பாத்தி எஸ். சுரேஷ்  ஆகியோர் இணைந்து தயாரித்திருக்கிறார்கள்.

அனைத்து பணிகளும் நிறைவடைந்து வெளியீட்டிற்காக காத்திருக்கும் இந்த திரைப்படத்தில் இடம்பெற்ற 'வானம் பார்த்து கிடந்தேனே.. மழையாய் வந்து விழுந்தாயே.. வழி துணையே..!'' எனத் தொடங்கும் பாடலும், பாடலுக்கான லிரிக்கல் வீடியோவும் வெளியிடப்பட்டிருக்கிறது. இந்த பாடலை பாடலாசிரியர் விக்னேஷ் சிவன் மற்றும் கோ சேஷா ஆகியோர் இணைந்து எழுத, பின்னனி பாடகர் சித் ஸ்ரீராம் மற்றும் சஞ்சனா கல்மாஞ்சே ஆகியோர் இணைந்து பாடி இருக்கிறார்கள்.  இந்த தலைமுறை இசை ரசிகர்களால் கொண்டாடப்படும் பின்னணி பாடகர் சித் ஸ்ரீ ராமின் குரலில் இப்பாடல் வெளியாகி இருப்பதால் பெரும் வரவேற்பை பெற்று வருகிறது. மேலும் இந்தப் பாடல் வெளியான குறுகிய கால அவகாசத்திற்குள் இரண்டு மில்லியனுக்கும் மேற்பட்ட பார்வையாளர்களால் பார்வையிடப்பட்டு சாதனை படைத்து வருகிறது.

முக்கிய செய்திகள்

icon-left
icon-right