வைபவ் நடிக்கும் 'பெருசு' - கோடை விடுமுறையில் வெளியீடு 

15 Jan, 2025 | 05:52 PM
image

சிறிய முதலீட்டு தயாரிப்பாளர்களுக்கான நட்சத்திர நடிகராக வலம் வரும் நடிகர் வைபவ் கதையின் நாயகனாக நடித்திருக்கும் 'பெருசு' எனும் திரைப்படம் எதிர்வரும் கோடை விடுமுறையில் வெளியிட திட்டமிடப்பட்டு வருவதாக படக்குழுவினர் உற்சாகத்துடன் தெரிவித்துள்ளனர்.

இயக்குநர் இளங்கோ ராம் இயக்கத்தில் உருவாகி வரும் 'பெருசு' எனும் திரைப்படத்தில் வைபவ், சுனில் , நிஹாரிகா, கருணாகரன், பால சரவணன், ரமா ,ரெடின் கிங்ஸ்லி, கஜ ராஜ், தீபா , விடிவி கணேஷ்,  முனீஷ்காந்த் ,லொள்ளு சபா சாமிநாதன், நக்கலைட்ஸ் தனம் உள்ளிட்ட பலர் நடித்திருக்கிறார்கள். சத்ய திலகம் ஒளிப்பதிவு செய்திருக்கும் இந்த திரைப்படத்திற்கு அருண் ராஜ் இசையமைத்திருக்கிறார்.

ஃபெமிலி கொமடி என்டர்டெய்னராக தயாராகி இருக்கும் இந்த திரைப்படத்தை தயாரிப்பாளர்கள் எஸ். கார்த்திகேயன் - ஹர்மன் பேவாஜா - ஹிரண்யா பெரேரா-  ஆகியோர் இணைந்து தயாரித்திருக்கிறார்கள்.

இந்த திரைப்படத்தின் இறுதி கட்டப் பணிகள் தற்போது விறுவிறுப்பாக நடைபெற்று வருகிறது. இந்நிலையில் படத்தின் பிரத்யேக போஸ்டரை படக் குழுவினர் வெளியிட்டுள்ளனர். அதில் இந்த திரைப்படம் எதிர்வரும் கோடை விடுமுறையில் வெளியிடப்படும் என தெரிவிக்கப்பட்டிருக்கிறது.

முக்கிய செய்திகள்

icon-left
icon-right