தவறவிடாதீர்கள்..!உடனே பதிவு செய்யுங்கள்

யாழ்ப்பாணத்தில் கடற்தொழிலுக்கு சென்ற கடற்தொழிலாளி ஒருவர் திடீர் சுகவீனம் காரணமாக உயிரிழந்துள்ளார். 

உயிரிழந்தவர், குருநகர் பகுதியை சேர்ந்த 58 வயதான நபர் ஒருவர் ஆவார். 

குருநகர் பகுதியில் இருந்து சனிக்கிழமை (11) கடற்தொழிலுக்காக கடலுக்கு சென்ற நிலையில், நேற்றைய தினம் ஞாயிற்றுக்கிழமை (12) கடலில் தொழிலில் ஈடுபட்டிருந்த வேளை இவருக்கு திடீர் சுகவீனம் ஏற்பட்டுள்ளது.

பின்னர், சக தொழிலாளிகள் படகினை ஊர்காவற்துறை கடற்கரைக்கு திருப்பி , சுகவீனமுற்ற தொழிலாளியை ஊர்காவற்துறை வைத்தியசாலைக்கு கொண்டு சென்றுள்ளனர். 

அதன் போது, தொழிலாளி ஏற்கனவே உயிரிழந்து விட்டார் என வைத்தியர்கள் அறிக்கையிட்டதை தொடர்ந்து சடலம் உடற்கூற்று பரிசோதனைக்காக யாழ் . போதனா வைத்தியசாலைக்கு அனுப்பப்பட்டுள்ளது.