தவறவிடாதீர்கள்..!உடனே பதிவு செய்யுங்கள்

சர்வோதய நம்பிக்கை நிதியத்தின் தேசிய விருது வழங்கும் விழா நேற்று (10) மொறட்டுவ சர்வோதய விஸ்வ சமாதி மண்டபத்தில் நடைபெற்றது.

இந்த நிகழ்வில்  பிரதம அதிதியாக இலங்கைக்கான பிரித்தானிய உயர்ஸ்தானிகர் அன்றூ பெட்றிக், சிறப்பு அதிதியாக இலங்கை மனித உரிமைகள் ஆணைக்குழுவின் முன்னாள் தவிசாளர் கலாநிதி தீபிகா உடகம ஆகியோர் கலந்துகொண்டனர்.

இதன்போது சர்வோதய நம்பிக்கை நிதியத்தின் ஸ்தாபகர் மறைந்த கலாநிதி ஆரியரத்னவின் உருவப்படத்துக்கு மலர் தூவி அஞ்சலி செலுத்தப்பட்டது. 

நிதியத்தின் தலைவர் மருத்துவ நிபுணர் டாக்டர் வின்யா ஆரியரத்ன வரவேற்புரை நிகழ்த்தினார்.

இதனைத் தொடர்ந்து, கலாநிதி ரத்ன ஸ்ரீ விஜேசிங்க, பேராசிரியர் சரத் கொட்டகம, சபாபதி சிவகுருநாதன், கலாநிதி ரவிபந்து வித்யாபதி ஆகியோர் விருது வழங்கி கௌரவிக்கப்பட்டனர். 

(படப்பிடிப்பு – ஜே. சுஜீவகுமார்)