கிறீன்லாந்திற்கு எதிராக படைபலத்தை பிரயோகிக்க முயலவேண்டாம் - டிரம்பிற்கு ஜேர்மனி பிரான்ஸ் கடும் எச்சரிக்கை

09 Jan, 2025 | 04:00 PM
image

கிறீன்லாந்தினை அமெரிக்காவின் கட்டுப்பாட்டின் கீழ் கொண்டுவருவதற்கு வரிகள் அல்லது படைபலத்தை பயன்படுத்துவேன் என டிரம்ப் தெரிவித்துவரும் நிலையிலேயே ஜேர்மனியும் பிரான்சும் இது குறித்து எச்சரித்துள்ளன.

அவசரஅவசரமாக தொலைக்காட்சி அறிக்கையொன்றினை வெளியிட்டுள்ள ஜேர்மனியின் சான்சிலர் ஒலாவ் ஸ்கோல்ஸ் டிரம்பின் கருத்துக்கள் ஐரோப்பிய தலைவர்கள் மத்தியில் தெளிவின்மையை ஏற்படுத்தியுள்ளதாக தெரிவித்துள்ளார்.

எல்லைகளை மீற முடியாது என்ற கொள்கை ஒவ்வொரு நாட்டிற்கும் பொருந்தும் என குறிப்பிட்டுள்ள அவர் கிழக்கிலோ மேற்கிலோ எங்குள்ள நாடாகயிருந்தாலும் எந்த நாட்டிற்கும் இது பொருந்தும்  என குறிப்பிட்டுள்ளார்.

சிறிய நாடு மிகப்பெரிய நாடு என்பதற்கு அப்பால் ஒவ்வொரு நாடு;ம் இதனை மதிக்கவேண்டும் என ஜேர்மனியின்சான்சிலர் தெரிவித்துள்ளார்.

இதேவேளை பிரான்சின் வெளிவிவகார அமைச்சர் ஜீன் நோயல் பரோட் சர்வதேச சட்டங்களை பாதுகாப்பதில் ஐரோப்பா என்றும் உறுதியாகயிருக்கும் என தெரிவித்துள்ளார்.

உலகின் வேறு எந்த நாடும் அது எந்த நாடாகயிருந்தாலும் தனது சுதந்திர எல்லைகளை தாக்குவதற்கு ஐரோப்பிய ஒன்றியம் அனுமதிக்காது எனவும் அவர் தெரிவித்துள்ளார்.

அமெரிக்க ஜனாதிபதியாக பதவியேற்கவுள்ள டொனால்ட் டிரம்ப் பனாமா கால்வாiயும் கீறின்லாந்தையும் கைப்பற்றப்போவதாக மீண்டும் தெரிவித்துள்ளார்.

டொனால்ட் டிரம்ப் சிலவாரங்களிற்கு முன்னர் இதேகருத்தினை வெளியிட்டுள்ளதை தொடர்ந்து  இந்த விடயம் சர்வதேச அரசியலில் முக்கியமானதாக மாறியுள்ள நிலையில் ஜனாதிபதி மீண்டும் இதனை தெரிவித்துள்ளார்.

பொருளாதார பலத்தை பயன்படுத்தி பனாமா கால்வாயையும் கிறீன்லாந்தையும் கைப்பற்றுவாரா அல்லது படைபலத்தை பயன்படுத்துவாரா என்ற கேள்விக்கு இல்லை இந்த இரண்டில் ஒன்றைதான் பயன்படுத்துவேன் என என்னால் உறுதியளிக்க முடியாது என டிரம்ப் தெரிவித்துள்ளார்.

எனினும் அமெரிக்காவின் பொருளாதார பாதுகாப்பிற்கு பனாமா கால்வாயும் கிறீன்லாந்தும் முக்கியமானவை என டிரம்ப் தெரிவித்துள்ளார்.

கனடாவை கைப்பற்ற முயல்வாரா என்ற கேள்விக்கு பொருளாதார பலத்தை பயன்படுத்தப்போவதாக தெரிவித்துள்ள டிரம்ப் இருநாடுகளிற்கும்இடையிலான பகிரப்பட்ட எல்லையை செயற்கையானது என குறிப்பிட்டுள்ளார்.

கனடாவை பாதுகாப்பதற்கு அமெரிக்கா பில்லியன் டொலர்களை சேமிக்கின்றது என குறிப்பிட்டுள்ள அவர் கனடாவிலிருந்து கார்கள் போன்றவற்றை இறக்குமதி செய்வதை கண்டித்துள்ளதுடன் கனடா அமெரிக்காவின் ஒரு மாநிலமாக விளங்கவேண்டும் என தெரிவித்துள்ளார்.

முக்கிய செய்திகள்

icon-left
icon-right

தொடர்பான செய்திகள்

news-image

விண்வெளி பாய்ச்சல் ; விண்வெளி ஆராய்ச்சியில்...

2025-02-07 17:21:00
news-image

காசாவில் இனச்சுத்திகரிப்பில் ஈடுபடுவது குறித்து ஐக்கிய...

2025-02-07 14:08:06
news-image

மோதல்கள் முடிவடைந்ததும் காசாவை இஸ்ரேல் அமெரிக்காவிடம்...

2025-02-07 11:05:56
news-image

அமெரிக்காவிற்கும் அதன் நெருங்கிய சகாவான இஸ்ரேலிற்கும்...

2025-02-07 10:16:14
news-image

இந்தியர்கள் நாடு கடத்தப்பட்ட விவகாரம் -...

2025-02-06 14:25:03
news-image

கைவிலங்கு, கால்களில் சங்கிலி...’ - அமெரிக்கா...

2025-02-06 11:10:33
news-image

கொங்கோ - கோமா சிறைச்சாலையில் நூற்றுக்கும்...

2025-02-06 09:47:40
news-image

புது தில்லி சட்டப்பேரவை தேர்தல் :...

2025-02-05 23:19:20
news-image

'காசாவிலிருந்து வெளியேறப்போவதில்லை வேறு எங்கும் செல்லப்போவதில்லை"

2025-02-05 15:32:25
news-image

சட்டவிரோதமாக குடியேறிய 18,000 பேரில் முதல்கட்டமாக...

2025-02-05 11:23:30
news-image

காசாவிற்கு அமெரிக்க படையினரை அனுப்புவாரா டிரம்ப்...

2025-02-05 10:36:48
news-image

காசா மக்களை அங்கிருந்து வெளியேற்றும் முயற்சிகளை...

2025-02-05 10:31:03