தவறவிடாதீர்கள்..!உடனே பதிவு செய்யுங்கள்

தெஹிவளை மிருகக்காட்சிசாலையில் இருந்த ஒராங்குட்டான் வகையைச் சேர்ந்த குரங்கு ஒன்று உயிரிழந்துள்ளது.

15 வயதுடைய ஒராங்குட்டான் குரங்கே உயிரிழந்துள்ளது.

தெஹிவளை மிருகக்காட்சிசாலையில் இருந்த ஒரே ஒரு ஒராங்குட்டான் இதுவாகும். 

இந்த ஒராங்குட்டான் இந்தோனேசியாவினால் தெஹிவளை மிருகக்காட்சிசாலைக்கு நன்கொடையாக வழங்கப்பட்ட ஒராங்குட்டான் ஜோடிக்கு 2009 ஆம் ஆண்டு பிறந்துள்ளது.

இந்த ஒராங்குட்டான் கடந்த மூன்று நாட்களாக சுகயீனமுற்று காணப்பட்டதாக மிருகக்காட்சிசாலையின் அதிகாரி ஒருவர் தெரிவித்துள்ளார்.

ஒராங்குட்டானின் சடலம் பிரேத பரிசோதனைக்காக பேராதனை பல்கலைக்கழக கால்நடை மருத்துவ பீடத்திற்கு அனுப்பி வைக்கப்பட்டுள்ளது.