தவறவிடாதீர்கள்..!உடனே பதிவு செய்யுங்கள்

மிரிஹானை பொலிஸ் பிரிவுக்குட்பட்ட ஹைலெவல் வீதியில் விஜேராம சந்திக்கு அருகில் கார் மோதி பாதசாரி ஒருவர் உயிரிழந்துள்ளதாக பொலிஸார் தெரிவித்தனர்.

இவ் விபத்து நேற்று சனிக்கிழமை (21) இடம்பெற்றுள்ளதாக பொலிஸார் தெரிவித்தனர்.

உயிரிழந்தவர் நுவரெலியா, உடமாதுர பகுதியைச் சேர்ந்த 24 வயதுடையவர் ஆவார்.

மஹரகமவில் இருந்து நுகேகொட நோக்கி பயணித்த கார்  வீதியைக் கடந்த பாதசாரி மீது மோதியதில் விபத்து இடம்பெற்றுள்ளது.

இந்த விபத்தில் பாதசாரி படுகாயமடைந்து களுபோவில வைத்தியசாலையில் அனுமதிக்கப்பட்டபோது உயிரிழந்துள்ளார்.

சடலம் களுபோவில வைத்தியசாலையின் பிரேத அறையில் வைக்கப்பட்டுள்ளது.

விபத்து தொடர்பில் காரின் சாரதி கைது செய்யப்பட்டுள்ளார். 

இது தொடர்பான மேலதிக விசாரணைகளில் மிரிஹானை பொலிஸார் மேற்கொண்டு வருகின்றனர்.