தவறவிடாதீர்கள்..!உடனே பதிவு செய்யுங்கள்

சீதுவ பொலிஸ் பிரிவுக்குட்பட்ட அமந்தொலுவ பிரதேசத்தில் வேன் ஒன்று துவிச்சக்கரவண்டியை தள்ளிக்கொண்டிருந்தவர் மீது மோதியதில் அந்த நபர் உயிரிழந்துள்ளதாக பொலிஸார் தெரிவித்தனர்.

இச்சம்பவம் நேற்று சனிக்கிழமை (21) இடம்பெற்றதாக பொலிஸார் தெரிவித்தனர்.

உயிரிழந்தவர் ரத்தொலுவ பிரதேசத்தைச் சேர்ந்த 57 வயதுடையவர் ஆவார்.

உதம்விட்டயிலிருந்து ரத்தொலுவ நோக்கிச் சென்ற வேன் வீதியோரத்தில் துவிச்சக்கரவண்டியைத் தள்ளிச் சென்ற நபர் மீது மோதியுள்ளது. 

இவ்விபத்தில் காயமடைந்தவர் வைத்தியசாலையில் அனுமதிக்கப்பட்ட போது உயிரிழந்துள்ளதாகவும், சடலம் வைத்தியசாலையின் பிரேத அறையில் வைக்கப்பட்டுள்ளது.

விபத்தினை ஏற்படுத்திவிட்டு வேன் தப்பிச் சென்றுள்ளதுடன், சந்தேக நபரை கைது செய்வதற்கான மேலதிக விசாரணைகளில் பொலிஸார் ஈடுபட்டு வருகின்றனர்.