தவறவிடாதீர்கள்..!உடனே பதிவு செய்யுங்கள்

தமிழில் முன்னணி நட்சத்திர நடிகரான ஜெயம் ரவி நடிப்பில் தயாராகி இருக்கும் 'காதலிக்க நேரமில்லை' எனும் திரைப்படத்தில் இடம்பெற்ற 'லாவெண்டர் நேரமே..' எனும் பாடலும், பாடலுக்கான லிரிக்கல் வீடியோவும் வெளியிடப்பட்டிருக்கிறது.

இயக்குநர் கிருத்திகா உதயநிதி இயக்கத்தில் உருவாகி வரும் 'காதலிக்க நேரமில்லை ' எனும் திரைப்படத்தில் ஜெயம் ரவி , நித்யா மேனன் , யோகி பாபு, வினய் ராய்,  டி. ஜே. பானு, ஜான் கொக்கன், லால் ,லக்ஷ்மி ராமகிருஷ்ணன், மனோ, வினோதினி உள்ளிட்ட பலர் நடித்திருக்கிறார்கள். கேவ்மிக் ஆரே ஒளிப்பதிவு செய்திருக்கும் இந்த திரைப்படத்திற்கு 'இசைப்புயல்' ஏ .ஆர். ரஹ்மான் இசையமைத்திருக்கிறார். காதலை மையப்படுத்திய இந்த திரைப்படத்தை ரெட் ஜெயன்ட் மூவிஸ் நிறுவனம் தயாரித்திருக்கிறது.

இப்படத்தில் இடம்பெற்ற 'என்னை இழுக்குதடி ..' எனத் தொடங்கும் முதல் பாடல் வெளியாகி பனிரெண்டு மில்லியனுக்கும் மேற்பட்ட பார்வையாளர்களால் பார்வையிடப்பட்டு சாதனை படைத்து வருகிறது. இந்நிலையில் இத்திரைப்படத்தில் இடம்பெற்ற ' லாவண்டர் நேரமே நிழலாக நொடியில் மலரும் நானோ..' என தொடங்கும் பாடலும், பாடலுக்கான லிரிக்கல் வீடியோவும் வெளியிடப்பட்டிருக்கிறது. இந்த பாடலை பாடலாசிரியர் மசூக் ரகுமான் எழுத, பின்னணி பாடகர் ஆர். கே. ஆதித்யா மற்றும் பின்னணி பாடகி அலெக்சாண்ட்ரா ஜாய் இணைந்து பாடியிருக்கிறார்கள். இசை புயலின் மயக்கும் மெல்லிசையில் காதலின் உணர்வை விவரிக்கும் இந்தப் பாடல் இளைய தலைமுறை ரசிகர்களை வெகுவாக கவர்ந்திருக்கிறது.