தவறவிடாதீர்கள்..!உடனே பதிவு செய்யுங்கள்

(துரைநாயகம் சஞ்சீவன்)

அகத்திய மாமுனிவரின் ஜனன தினத்தை முன்னிட்டு இலவச ஆயுர்வேத மருத்துவ முகாம் மற்றும் விழிப்புணர்வு நிகழ்வு இன்று வியாழக்கிழமை (19) மூதூர் - கங்குவேலி பிரதேசத்தில் நடைபெற்றது. 

இதனை நிலாவெளி - கோபாலபுரம் சித்த ஆயுள்வேத மாவட்ட வைத்தியசாலை மற்றும் கிழக்கு பல்கலைக்கழகம் இணைந்து நடத்தியிருந்தது.

அகத்திய ஸ்தாபன சிவன் ஆலயத்தில் அமையப்பெற்ற அகஸ்த்திய முனிவருக்கான பூசை வழிபாடுகளுடன் ஆரம்பமான இலவச மருத்துவ முகாம் மற்றும் விழிப்புணர்வு நிகழ்வு காலை 9 மணியிலிருந்து பகல் 2.30 மணி வரை நடத்தப்பட்டது. 

உடல் பரிசோதனை, நீரிழிவு பரிசோதனை, உடற்பருமன் அளவு போன்ற பல பரிசோதனைகளுடன் தொற்றாநோய் மற்றும் தொற்றும்நோய் தொடர்பான சித்த மருத்துவ ஆலோசனைகளுடன் மருந்துகளும் இலவசமாக இதன்போது வழங்கப்பட்டன.

இந்த மருத்துவ முகாமில் கோபாலபுரம் சித்த ஆயுள்வேத மாவட்ட வைத்தியசாலையின் வைத்திய அத்தியட்சகர் வைத்தியர் எம்.நிரஞ்சன் உட்பட வைத்தியர்கள், உத்தியோகத்தர்கள் மற்றும் ஊழியர்களுடன் கிழக்கு பல்கலைக்கழக பேராசிரியர்கள், மருத்துவ பீட மாணவர்கள் ஆகியோரும் பங்கேற்றிருந்தனர்.