கபாலி படத்தின் இமாலய வெற்றியைத் தொடர்ந்து சுப்பர் ஸ்டார் ரஜினிகாந்த் இயக்குநர் பா ரஞ்சித் மீண்டும் இணையவிருக்கும் புதிய படத்தில், அவருக்கு ஜோடியாக நடிக்க பொலிவுட் நடிகை ஹுமா குரேசியை ஒப்பந்தம் செய்திருக்கிறார்கள்.

நடிகை ஹுமா குரேசி ஏற்கனவே மலையாளத்தில் மம்முட்டியின் நடிப்பில் வெளியான வொயிட் என்ற படத்தில் இரட்டை வேடத்தில் நடித்து அசத்தியிருந்தார். தற்போது இவர் தோப்பாரா என்ற ஹிந்தி ஹாரர் திரைப்படமொன்றில் நடித்து வருகிறார். 

சுப்பர் ஸ்டாருக்கு ஜோடியாக நடிக்க முன்னணி நடிகை வித்யா பாலன் அவர்களைத்தான் ஒப்பந்தம் செய்திருந்தார்கள். ஆனால் கால்ஷீட் இல்லாததால் அவர் விலகிவிட அவருக்கு பதிலாக ஹுமா குரேசி ஒப்பந்தமாகியிருக்கிறார். இவர் அக்சய் குமாருடன் இணைந்து ஜாலி எல் எல் பிஎன்ற ஹிந்தி படத்திலும் நடித்திருந்தார்.

சுப்பர் ஸ்டாருடன் ஜோடி சேர்ந்து டூயட் பாடவிருக்கும் நடிகை ஹுமா குரேசியை இப்போதே ரஜினியின் ரசிகர்கள் ட்வீட்டரில் வாழ்த்து தெரிவித்து வருகிறார்கள்.

தகவல் : சென்னை அலுவலகம்