தவறவிடாதீர்கள்..!உடனே பதிவு செய்யுங்கள்

பருத்தித்துறையில் தொடர்ச்சியாக ஐந்து நாட்கள் காய்ச்சலினால் பாதிக்கப்பட்ட இளம் தாய் ஒருவர் நேற்று செவ்வாய்க்கிழமை (10) உயிரிழந்துள்ளார். 

பருத்தித்துறை ஓடக்கரையைச் சேர்ந்த 33 வயதுடைய இளம் தாயே உயிரிழந்துள்ளார். 

கடந்த மூன்று தினங்களாக இவருக்கு காய்ச்சல் ஏற்பட்டதைத் தொடர்ந்து வலி நிவாரண மாத்திரை உட்கொண்டுள்ளார். 

இந்நிலையில், காய்ச்சல் குணமடையாத காரணத்தால் திங்கட்கிழமை (09) பருத்தித்துறை ஆதார வைத்தியசாலையில் அனுமதிக்கப்பட்டுள்ளார். 

அதனையடுத்து, அவர் மயங்கிய நிலையில் காணப்பட்டமையால் உடனடியாக யாழ். போதனா வைத்தியசாலைக்கு மாற்றப்பட்ட பின்னர் சிகிச்சை பலனின்றி உயிரிழந்துள்ளார்.

இவரது மரணம் தொடர்பில் யாழ்ப்பாணம் போதனா வைத்தியசாலை திடீர் மரண விசாரணை அதிகாரி விசாரணைகளை மேற்கொண்டு வருகிறார்.