தவறவிடாதீர்கள்..!உடனே பதிவு செய்யுங்கள்

பாடசாலைகளின் தேவைகள், குறைபாடுகளை அறிந்து நிவர்த்தி செய்யும் நோக்கில் அனைத்து பாடசாலைகளுக்கும் பாராளுமன்ற உறுப்பினர் அஷ்ரப் தாஹிர் கள விஜயம்  செய்து வருகிறார்.

அந்த வகையில் நேற்று செவ்வாய்க்கிழமை (10) நிந்தவூர் பதுரியா வித்தியாலம் மற்றும் இமாம் கஸ்ஸாலி வித்தியாலயம் ஆகியவற்றுக்கு நேரடியாகச் சென்று அங்குள்ள குறைபாடுகளை கேட்டறிந்ததுடன் மாணவர்களின் தேவைகள், குறைபாடுகளை அறிந்து செயலாற்றும் நோக்கில் “குறைகேள் பெட்டி” கையளிக்கப்பட்டது.

இதன் போது பதுரியா வித்தியாலயத்தின் அதிபர் ஜெசீர் அலி தலைமையில் பாடசாலைச் சமூகத்தினரால் பாராளுமன்ற உறுப்பினர் மாலை அணிவிக்கப்பட்டு பூச்செறிந்து வரவேற்கப்பட்டதுடன் ஆசிரியர்கள், மாணவர்கள் எதிர்கொள்ளும் பிரச்சினைகள்  தொடர்பிலும் கலந்துரையாடப்பட்டது.

அதேபோன்று இமாம் கஸ்ஸாலி வித்தியாலயத்தின் அதிபர் ஜாபிர் தலைமையில் பாடசாலை மாணவர்களால் பேன்ட் வாத்தியம் இசைக்கப்பட்டு, மாலை அணிவித்து பூச்செறிந்து வரவேற்பளிக்கப்பட்டிருந்ததுடன் உயர்தர பிரிவு மாணவர்களின் வகுப்பறை பெளதீக குறைபாடுகளை நேரடியாக அழைத்துச் சென்று சுட்டிக்காட்டப்பட்டது.