தவறவிடாதீர்கள்..!உடனே பதிவு செய்யுங்கள்

(மதவாச்சி  நிருபர்)

அநுராதபுரம்,  மஹாவிலாச்சிய பொலிஸ் பிரிவிற்கு உட்பட்ட பேமடுவ பகுதியில் உள்ள வீடொன்றுக்கு அருகில் காட்டு யானையின் தாக்குதலுக்கு இலக்காகி மூதாட்டி ஒருவர் உயிரிழந்துள்ளதாக  மஹாவிலாச்சிய பொலிஸார் தெரிவித்தனர்.

இந்த சம்பவம் நேற்று செவ்வாய்க்கிழமை (10) இடம்பெற்றுள்ளது.

மஹாவிலாச்சிய, பேமடுவ பகுதியை வசிப்பிடமாக கொண்ட 74 வயதுடைய மூதாட்டி ஒருவரே  உயிரிழந்துள்ளார்.

உயிரிழந்த மூதாட்டி தனது வீட்டிற்கு அருகில் நின்றுகொண்டிருந்த போது அவ்வழியாக வந்த காட்டு யானையின் தாக்குதலுக்கு இலக்காகி சம்பவ இடத்திலேயே உயிரிழந்துள்ளதாக பொலிஸார் தெரிவித்தனர்.

பிரேதப் பரிசோதனையின் பின்னர் சடலம் உறவினர்களிடம் ஒப்படைக்கப்பட்டதாக மஹாவிலாச்சிய பொலிஸார் மேலும் தெரிவித்தனர்.