தவறவிடாதீர்கள்..!உடனே பதிவு செய்யுங்கள்

(நெவில் அன்தனி)

வர்த்தக ஹொக்கி சங்கம் (MHA) ஏற்பாடு செய்துள்ள வர்த்தக அணிகளுக்கு இடையிலான 46ஆவது வருடாந்த அணிக்கு எழுவர் ஹொக்கி போட்டி பி. சரவணமுத்து ஓவல் விளையாட்டரங்கில் இம் மாதம் 15ஆம் திகதி காலை 7.30 மணிமுதல் பிற்பகல் 4.00 மணிவரை நடைபெறவுள்ளது.

வர்த்தக ஹொக்கி சங்கத்தின் நாட்காட்டியில் பிரதான போட்டியாக அமையும் வர்த்தக நிறுவன அணிகளுக்கு இடையிலான அணிக்கு எழுவர் ஹொக்கி போட்டியில் 19 நிறுவனங்களைச் செர்ந்த 27 அணிகள் 5 பிரிவுகளில் பங்குபற்றுகின்றன.

இந்த அணிகளைச் சேர்ந்த 250க்கும் மேற்பட்ட வீரர்கள் தங்களது ஆற்றல்களை வெளிப்படுத்த காத்திருப்பதுடன் அவர்களில் பல தேசிய ஹொக்கி வீரர்களும் அடங்குகின்றனர்.

ஜனசக்தி இன்சூரன்ஸ் கம்பனி லிமிட்டெட் அனுசரணை வழங்கும் டெனிஸ் டி ரொசைரோ கிண்ணத்திற்கான ஏ பிரிவில் நடப்பு சம்பியன் ஹட்டன் நெஷனல் வங்கி, ப்றவுண்ஸ் குறூப், மாஸ் ஹோல்டிங்ஸ், கொமர்ஷல் வங்கி ஆகிய 4 அணிகள் பங்குபற்றுகின்றன.

சிங்கர் கிண்ணத்திற்கான பி பிரிவில் ஹெய்லீஸ், HSBC, செலான் வங்கி, ஜோன் கீல்ஸ்,CIAB, SLT மொபிடெல் ஆகிய 7 அணிகள் போட்டியிடுகின்றன.

வர்த்தக ஹொக்கி சங்க (MHA) கிண்ணத்திற்கான சி பிரிவில் சிங்கர், NTB, ஓரியன்ட் ஆகிய 3 அணிகளும் எட்மண்ட் ஜே. குறே கிண்ணத்திற்கான டி பிரிவில் DPMC>  சிலோன் டுபாக்கோ கம்பனி லிமிட்டெட், ஹேமாஸ் குறூப், ஏயார்போர்ட் ஏவியேஷன், இன்கியூப் சொலுஷன்ஸ் (பிறைவேட்) லிமிட்டெட், பியூச்சர் லைவ் இன்வெஸ்ட்மென்ட் லிமிட்டெட் ஆகிய அணிகளும் இடம்பெறுகின்றன.

இதேவேளை வர்த்தக ஹொக்கி சங்கத் தலைவர் கிண்ணத்திற்கான பிரிவில் கொமர்ஷல் வங்கி பி, சம்பத் வங்கி பி, ப்றவுண்ஸ் குறூப் பி, மாஸ் ஹோல்டிங்ஸ் பி, ஜோன் கீல்ஸ் பி, ஹட்டன் நெஷனல் வங்கி பி ஆகிய அணிகள் மோதுகின்றன.

சுற்றுப் போட்டியில் சிறந்த வீரர் விருது மற்றும் நேர்த்தியான விளையாட்டு விருது (Fair Play Trophy) என்பன வழங்கப்படும்.

இந்த வருடப் போட்டிக்கு ஹேலியொன் லங்கா நிறுவனத்தின் அயோடெக்ஸ் ஸ்ப்ரே பிரதான அனுசரணையையும் ப்றவுண்ஸ் குறூப்பின் பவ்வா பைட்ஸ் இணை அனுசரணையையும் வழங்குகின்றன.