தவறவிடாதீர்கள்..!உடனே பதிவு செய்யுங்கள்

நாட்டிற்குள் இறக்குமதி செய்யப்பட்டமைக்கான எந்தவொரு சான்றுகளும் இல்லாத பதிவு செய்யப்படாத பொருத்தப்பட்ட சொகுசுகார் ஒன்றினை பயன்படுத்திய குற்றச்சாட்டில் தம்மை கைது செய்தமை சட்டத்துக்கு முரணானது எனத் தீர்ப்பளிக்குமாறு முன்னாள் இராஜாங்க அமைச்சர் லொஹான் ரத்வத்தவினால் மேன்முறையீட்டு நீதிமன்றத்தில் தாக்கல் செய்யப்பட்ட ரிட் மனு மீளப்பெறப்பட்டது.

இந்த ரிட் மனு நேற்று மேன்முறையீட்டு தலைமை நீதிபதி நிசங்க பந்துல கருணாரத்ன முன்னிலையில் பரிசீலனைக்கு எடுத்துக் கொள்ளப்பட்டது.

இதன்போது முன்னாள் இராஜாங்க அமைச்சர் லொஹான் ரத்வத்த சார்பில் மன்றில் ஆஜரான ஜனாதிபதி சட்டத்தரணி  சஞ்சய் ராஜரத்தினம், தமது சேவை பெறுநர் தற்போது நீதிமன்றத்தினால் பிணையில் விடுவிக்கப்பட்டுள்ளதாக மன்றில் தெரிவித்தார்.

இதற்கமைய அவர்  இந்த மனுவைத் தொடர விரும்பவில்லை என்றும் அதனை வாபஸ் பெற விரும்புவதாகவும் தெரிவித்தார்.

அத்துடன் அதற்கான அனுமதியை வழங்குமாறும் சட்டத்தரணி நீதிபதியிடம் கோரிக்கை விடுத்தார்.

இந்த கோரிக்கையை ஏற்றுக்கொண்ட மேன்முறையீட்டு நீதிமன்ற நீதிபதி, இந்த மனுவை மீளப்பெற அனுமதி வழங்கியதுடன் மனுவை தள்ளுபடி செய்து உத்தரவு பிறப்பித்தார்.