தவறவிடாதீர்கள்..!உடனே பதிவு செய்யுங்கள்

'நான் ஏன் இலஞ்சம் வழங்க வேண்டும். மதுபானசாலை அனுமதிப்பத்திரங்கள் யாருக்கும் இலவசமாக வழங்கவில்லை. அனுமதிப்பத்திரம் தேவையனவர்களிடம் நிதியை பெற்று வழங்கியுள்ளேன். சில பாராளுமன்ற உறுப்பினர்கள் மதுபானசாலை அனுமதிப்பத்திரங்களை பெற்றுக்கொள்ள வேறு நபர்களை என்னிடம் அனுப்பினார்கள். ஆனால், நான் யாருக்கும் இலவசமாக வழங்கவில்லை. இதனால் யாரும் தனிப்பட்ட ரீதியில் நன்மையடைய முடியாமல் போனது. ஆயிரத்துக்கும் மேற்பட்ட மதுபானசாலைகள் நாட்டில் உள்ளன. மேலும் 300க்கும் மேற்பட்ட அனுமதிப்பத்திரங்களை வழங்கினோம். அடுத்த வருடத்தில் மேலும் 300 மதுபானசாலை அனுமதிப்பத்திரங்களை வழங்க தீர்மானித்திருந்தோம். இவற்றின் ஊடாக 15 மில்லியன் ரூபா வீதம் பெற்றுக்கொண்டால் அரசாங்கத்தின் வருமானம் எவ்வளவு என்பதை சிந்திக்க வேண்டும்' என ரணில் விக்கிரமசிங்க நீண்ட விளக்கத்தை அளித்தார்.