தவறவிடாதீர்கள்..!உடனே பதிவு செய்யுங்கள்

முஸ்லிம்களுக்கான தனித்துவ அடையாள அரசியலை அஷ்ரபிற்குப் பிறகு சீரழித்தது முஸ்லிம் தலைவர்களும் முன்னாள் எம்.பி.க்களும்தான் என்பதை மறுக்க முடியாது. ஆயினும், குறிப்பாக வடக்கு, கிழக்கு முஸ்லிம்களைப் பொறுத்தவரையில் தங்களது அபிலாஷைகள், நிலைப்பாடுகளை கொஞ்சமேனும் முன்வைப்பதற்கான ஒரு ஏற்பாடாக முஸ்லிம் கட்சிகள் இருந்திருக்கின்றன. எனவே, அதன் தலைவர்கள். தளபதிகள், எம்.பி.க்கள் தவறு என்றால் ஒன்று அவர்கள் சுயமாக தம்மை திருத்திக் கொள்ள வேண்டும் அல்லது அவர்களை ஒதுக்கித் தள்ளிவிட்டு அடுத்த தலைமுறை இளைஞர்கள் இந்த அரசியலை கையிலெடுக்க வேண்டும்.தேசிய நீரோட்டத்தோடு ஒரு பெருந்தேசியக் கட்சியுடன் முஸ்லிம்கள் இணைந்து பயணிப்பது மிக அவசியமானது. ஆனால், அதற்காகவோ அல்லது வழக்கமான முஸ்லிம் அரசியல்வாதிகள் கூடாதவர்கள் என்பதற்காகவோ, முஸ்லிம் சமூகம் நமக்கான சொந்த அரசியலை அப்படியே குழிதோண்டிப் புதைத்து விடவோ, தூர்ந்து போய்விடவோ இடமளிக்க முடியாது என்பதை புரிந்து கொள்ள வேண்டும்.