தவறவிடாதீர்கள்..!உடனே பதிவு செய்யுங்கள்

அமெரிக்க ஜனாதிபதித் தேர்தலில் டொனால்ட் டிரம்ப் வெற்றி பெற எலான் மஸ்க் 270 மில்லியன் அமெரிக்க டொலரை செலவழித்துள்ளதாக அமெரிக்க ஊடகமொன்று செய்தி வெளியிட்டுள்ளது.

இதற்கு முன்னதாக டிம் மெலன் என்பவர் சுமார் 200 மில்லியன் அமெரிக்க டொலரை வழங்கியிருந்தார். தற்போது டொனால்ட் டிரம்பின் தேர்தல் பிரசார நிதிக்கு எலான் மஸ்க் 270 மில்லியன் டொலர் நிதியை வழங்கி, அதிக நிதி வழங்கிய தனி நபர் என்பதில் முதலிடம் பிடித்துள்ளார்.

அமெரிக்க பிஏசி (America PAC) என்ற  அரசியல் நடவடிக்கைக் குழு டிரம்புக்கு ஆதரவாக நிதி சேகரித்தது. இதற்கு எலான் மஸ்க் 238 மில்லியன் டொலரை வழங்கியுள்ளார். 

தேர்தல் காலத்தில் கருத்தடை தொடர்பான பிரச்சாரத்தை டொனால்ட் டிரம்ப் முன்னெடுத்தார். இது தொர்பான விளம்பரத்துக்கு உதவும் வகையில் 20 மில்லியன் டொலரை எலான் மஸ்க் மேலதிக நன்கொடையாக வழங்கியுள்ளார்.

டொனால்ட் டிரம்ப் அமெரிக்க ஜனாதிபதித் தேர்தலில் பெற்ற நிலையில், அமெரிக்காவின் முக்கிய துறையான திறன் துறைக்கு எலான் மஸ்க் மற்றும் விவேக் ராமசாமி ஆகியோரை தலைவராக நியமித்துள்ளமை குறிப்பிடத்தக்கது.