தவறவிடாதீர்கள்..!உடனே பதிவு செய்யுங்கள்

13ஆவது திருத்தச் சட்டம், தமிழர் பிரச்சினைக்கான தீர்வு இல்லை என்று கூறி, அதனை நிராகரிப்பது, அதனை இல்லாமல் செய்வது தான் தேசிய மக்கள் சக்தியின் இலக்கு. அப்படியானால், தமிழர் பிரச்சினைக்கு என்ன தீர்வு? அதுபற்றிய எந்த தெளிவான நிலைப்பாடும் தேசிய மக்கள் சக்தியிடம் இல்லை. அப்படியொன்று இருந்தால், அதனை வெளிப்படுத்தியிருக்கும். மஹிந்த ராஜபக்ஷ அரசியல் தீர்வு எது என்று எப்படிக் கூறாமல் ஏமாற்றினாலோ அதே பாணியில் தான் தேசிய மக்கள் சக்தியும் செயற்படப் பார்க்கிறது. தமிழர்களின் இனப் பிரச்சினையை ஏற்றுக் கொள்ளாத தேசிய மக்கள் சக்தி, இன அடிப்படையில் எதுவும் இல்லை என்று கூறுகின்ற கட்சி, எப்படி இனப்பிரச்சினைக்கு இது தான் தீர்வு என்று கூற முடியும்?