தவறவிடாதீர்கள்..!உடனே பதிவு செய்யுங்கள்

மாத்தறை - ஹக்மனை வீதியில் ரயில் நிலையத்திற்கு அருகில் நேற்று திங்கட்கிழமை (02) இடம்பெற்ற விபத்தில் முதியவர் ஒருவர் உயிரிழந்துள்ளதாக மாத்தறை பொலிஸார் தெரிவித்தனர்.

மாத்தறையிலிருந்து ஹக்மனை நோக்கிப் பயணித்த கார் ஒன்று வீதியில் பயணித்த முதியவர் ஒருவர் மீது மோதியதில் இந்த விபத்து இடம்பெற்றுள்ளது.

விபத்தின் போது படுகாயமடைந்த முதியவர் மாத்தறை வைத்தியசாலையில் அனுமதிக்கப்பட்ட பின்னர் சிகிச்சை பலனின்றி உயிரிழந்துள்ளதாக பொலிஸார் தெரிவித்தனர்.

உயிரிழந்தவர் மாத்தறை, தெவிநுவர பிரதேசத்தைச் சேர்ந்த 76 வயதுடைய முதியவர் ஆவார்.

இதனையடுத்து காரின் சாரதி சந்தேகத்தின் பேரில் பொலிஸாரால் கைது செய்யப்பட்டுள்ளார்.

இது தொடர்பான மேலதிக விசாரணைகளை மாத்தறை பொலிஸார் மேற்கொண்டு வருகின்றனர்.