தவறவிடாதீர்கள்..!உடனே பதிவு செய்யுங்கள்

எலகந்த - நீர்கொழும்பு வீதியில் தல்தியவத்த பகுதியில் நேற்று ஞாயிற்றுக்கிழமை (01) மோட்டார் சைக்கிளொன்று விபத்துக்குள்ளானதில் ஒருவர் உயிரிழந்தார். 

எலகந்தவிலிருந்து நீர்கொழும்பு நோக்கி பயணித்த மோட்டார் சைக்கிள் வேகக் கட்டுப்பாட்டை இழந்து வீதியை விட்டு விலகி மின் கம்பத்தில் மோதியுள்ளது.

மோட்டார் சைக்கிளை செலுத்தியவர் இவ்விபத்தில் சிக்கி படுகாயமடைந்து ராகமை வைத்தியசாலையில் அனுமதிக்கப்பட்டதன் பின்னர் சிகிச்சை பலனின்றி உயிரிழந்தார்.

கொட்டாஞ்சேனை சங்கமித்தை மாவத்தையில் வசிக்கும் 26 வயதுடைய நபரே உயிரிழந்தவர் ஆவார்.

இவ்விபத்து தொடர்பான மேலதிக விசாரணைகளில் பமுனுகம பொலிஸார் ஈடுபட்டு வருகின்றனர்.