தவறவிடாதீர்கள்..!உடனே பதிவு செய்யுங்கள்

யாழ்.பொலிஸ்  பிரிவில் , போதை மாத்திரைகளுடன் சந்தேக நபர்கள் இருவர் நேற்று சனிக்கிழமை (30) பொலிஸாரால் கைது செய்யப்பட்டுள்ளனர்.

பொலிஸ் விசேட அதிரடிப்படையின் யாழ்ப்பாண முகாமின் அதிகாரிகள் குழுவொன்று மேற்கொண்ட சுற்றிவளைப்பின் போதே இவர்கள் கைது செய்யப்பட்டுள்ளனர்.

கைது செய்யப்பட்ட சந்தேக நபர்கள் 21 மற்றும் 22 வயதுடைய திருநகர் மற்றும் குருநகர் பகுதியைச் சேர்ந்தவர்கள் ஆவர்.

கைது செய்யப்பட்ட சந்தேக நபர்களிடம் இருந்து 100 போதை மாத்திரைகள் பொலிஸாரால் கைப்பற்றப்பட்டுள்ளன.

இதனையடுத்து , சந்தேக நபர்கள் மேலதிக விசாரணைகளுக்காக யாழ்ப்பாணம் பொலிஸ் நிலையத்தில்  ஒப்படைக்கப்பட்டுள்ளனர்.

இது தொடர்பான ,  மேலதிக விசாரணைகளை யாழ்ப்பாணம் பொலிஸார் மேற்கொண்டு வருகின்றனர்