தவறவிடாதீர்கள்..!உடனே பதிவு செய்யுங்கள்

 'முதல் நீ முடிவும் நீ' படத்தின் மூலம் தமிழ் ரசிகர்களுக்கு அறிமுகமாகி பிரபலமான நடிகர் கிஷன் தாஸ் கதையின் நாயகனாக நடித்திருக்கும் 'தருணம்' எனும் திரைப்படம் அடுத்த ஆண்டு ஜனவரி மாதத்தில் வெளியாகும் என படக்குழுவினர் பிரத்யேக புகைப்படத்தை வெளியிட்டு உற்சாகத்துடன் அறிவித்துள்ளனர். 

'தேஜாவு' படத்தை இயக்கிய இயக்குநர் அரவிந்த் ஸ்ரீனிவாசன் இயக்கத்தில் உருவாகி வரும் 'தருணம்' எனும் திரைப்படத்தில் கிஷன் தாஸ், ஸ்மிருதி வெங்கட், ராஜ் அய்யப்பன், பால சரவணன், கீதா கைலாசம், ஸ்ரீஜா ரவி உள்ளிட்ட பலர் நடித்திருக்கிறார்கள். ராஜா பட்டார்ஜி ஒளிப்பதிவு செய்திருக்கும் இந்த திரைப்படத்திற்கு தர்புகா சிவா மற்றும் அஸ்வின் ஹேமந்த் ஆகியோர் இணைந்து இசையமைத்திருக்கிறார்கள். காதலை மையப்படுத்திய இந்த திரைப்படத்தை ஸென் ஸ்டுடியோஸ் சார்பில் தயாரிப்பாளர்கள் புகழ் மற்றும் ஈடன் இணைந்து தயாரித்திருக்கிறார்கள். 

இந்த திரைப்படத்தின் இறுதி கட்டப் பணிகள் தற்போது விறுவிறுப்பாக நடைபெற்று வருகிறது. இந்நிலையில் இந்த திரைப்படம் அடுத்த ஆண்டு ஜனவரி மாதத்தில் வெளியாகும் என படக் குழுவினர் பிரத்யேக புகைப்படத்தை வெளியிட்டு தெரிவித்துள்ளனர்.