தவறவிடாதீர்கள்..!உடனே பதிவு செய்யுங்கள்

(நெவில் அன்தனி)

டேர்பன் கிங்ஸ்மீட் விளையாட்டரங்கில் நடைபெற்றுவரும் ஐசிசி உலக டெஸ்ட் சம்பியன்ஷிப்பின் முதலாவது டெஸ்ட் போட்டியில் தென் ஆபிரிக்காவை 191 ஓட்டங்களுக்கு இலங்கை கட்டுப்படுத்தியது.

போட்டியின் இரண்டாம் நாளான இன்று காலை தனது முதல் இன்னிங்ஸை 4 விக்கெட் இழப்புக்கு 84 ஓட்டங்களிலிருந்து தொடர்ந்த தென் ஆபிரிக்கா கடைசி 6 விக்கெட்களை 107 மேலதிக ஓட்டங்களுக்கு இழந்தது.

அணித் தலைவருக்கே உரிய பாணியில் பொறுமையுடன் துடுப்பெடுத்தாடிய டெம்பா பவுமா 117 பந்துகளை எதிர்கொண்டு 9 பவுண்டறிகள், ஒரு சிக்ஸுடன் 70 ஓட்டங்களைப் பெற்றார்.

அவரை விட கேஷவ் மஹாராஜ் (24) மாத்திரமே 20 ஓட்டங்களுக்கு மேல் பெற்றார்.

பந்துவீச்சில் அசித்த பெர்னாண்டோ 44 ஓட்டங்களுக்கு 3 விக்கெட்களையும் லஹிரு குமார 70 ஓட்டங்களுக்கு 3 விக்கெட்களையும் ப்ரபாத் ஜயசூரிய 24 ஓட்டங்களுக்கு 2 விக்கெட்களையும் விஷ்வா பெர்னாண்டோ 35 ஓட்டங்களுக்கு 2 விக்கெட்களையும் கைப்பற்றினர்.

தற்போது பகல் போசன இடைவெளை வழங்கப்பட்டுள்ளது.