தவறவிடாதீர்கள்..!உடனே பதிவு செய்யுங்கள்

அநுராதபுரத்தில் பல்வேறு பிரதேசங்களில் மோட்டார் சைக்கிள்களைத் திருடியதாகக் கூறப்படும் சந்தேக நபரொருவர் கைது செய்யப்பட்டுள்ளதாக மிஹிந்தலை பொலிஸார் தெரிவித்தனர்.

கைது செய்யப்பட்ட சந்தேக நபர் அநுராதபுரம், கனேவல்பொல பிரதேசத்தில் வசிக்கும் 50 வயதுடையவர் ஆவார். 

சந்தேக நபர் அநுராதபுரம், மிஹிந்தலை, கலென்பிந்துனுவெவ, எப்பாவல மற்றும் தம்புத்தேகம உள்ளிட்ட பல்வேறு பிரதேசங்களில் மோட்டார் சைக்கிள்களை திருடி அதனை விற்பனை செய்துள்ளதாக பொலிஸ் விசாரணையில் தெரியவந்துள்ளது.

இந்நிலையில் சந்தேக நபரிடமிருந்து, திருடப்பட்டதாகக் கூறப்படும் 13 மோட்டார் சைக்கிள்கள் பொலிஸாரால் கைப்பற்றப்பட்டுள்ளன.

இது தொடர்பான மேலதிக விசாரணைகளை மிஹிந்தலை பொலிஸார் மேற்கொண்டு வருகின்றனர்.