தவறவிடாதீர்கள்..!உடனே பதிவு செய்யுங்கள்

22 பேர் கொண்ட அமைச்சரவையில் எந்த முஸ்லிம் எம்.பிக்களும் இடம்பெறவில்லை. எனினும், முனீர் முலவ்பர் தேசிய ஒருமைப்பாடுகள்  பிரதி அமைச்சராக நியமிக்கப்பட்டுள்ளார். அதேவேளை புதிய பாராளுமன்றத்தின் பிரதி சபாநாயகராக டாக்டர் ரிஸ்வி சாலி நியமிக்கப்பட்டுள்ளார். ஆனால், இந்த இரண்டு நியமனங்கள் மூலமாக மாத்திரம் முஸ்லிம் சமூகத்தை திருப்திபடுத்த முடியாத சூழல் நிலவுகிறது. மக்கள் விடுதலை முன்னணியானது பல சந்தர்ப்பங்களில் முஸ்லிம்களுக்கு எதிராக சில புண்படும் கருத்துக்களை தெரிவித்தமையை மறுக்க முடியாது. ஈஸ்டர் குண்டுத்தாக்குதலை அடுத்து முஸ்லிம்களுக்கு எதிரான பிரசாரங்கள் முன்னெடுக்கப்பட்டிருந்தன. முஸ்லிம் பெண்கள் அணியும் "அபாயா" தீவிரவாதத்தின் வெளிப்பாடு என்று அப்போது மக்கள் விடுதலை முன்னணியின் சில தலைவர்கள் வர்ணித்திருந்தனர். எவ்வாறாயினும், இம்முறை தேசிய மக்கள் சக்திக்கு வாக்களித்த அபாயா உடையணிந்த முஸ்லிம் பெண்கள் அது தவறு என்பதை நிரூபித்து தமது அன்பை வெளியிட்டுள்ளனர்.