தவறவிடாதீர்கள்..!உடனே பதிவு செய்யுங்கள்

அத்துருகிரிய மற்றும் பேலியகொடை ஆகிய பொலிஸ் பிரிவுக்கு உட்பட்ட பகுதிகளில் மேற்கொள்ளப்பட்ட சுற்றிவளைப்பு நடவடிக்கைகளில் ஹெரோயின் போதைப்பொருளுடன் பெண் உட்பட இருவர் நேற்று வியாழக்கிழமை கைது செய்யப்பட்டுள்ளதாக பொலிஸார் தெரிவித்தனர்.

அதன்படி, அத்துருகிரிய பொலிஸ் பிரிவுக்கு உட்பட்ட ஹபரகட பகுதியில் ஹெரோயின் போதைப்பொருளுடன் பெண் ஒருவர் அத்துருகிரிய பொலிஸாரால் கைது செய்யப்பட்டுள்ளார்.

கைது செய்யப்பட்டவர் ஹோமாகம பகுதியைச் சேர்ந்த 40 வயதுடைய பெண்ணொருவர் ஆவார்.

கைது செய்யப்பட்ட பெண்ணிடம் இருந்து 08 கிராம் 100 மில்லி கிராம் ஹெரோயின் போதைப்பொருள் பொலிஸாரால் கைப்பற்றப்பட்டுள்ளது.

இதேவேளை, பேலியகொடை பொலிஸ் பிரிவுக்கு உட்பட்ட தரமடுவத்த பகுதியில் ஹெரோயின் போதைப்பொருளுடன் சந்தேக நபர் ஒருவர் பேலியகொடை பொலிஸாரால் கைது செய்யப்பட்டுள்ளார்.

கைது செய்யப்பட்ட சந்தேக நபர் பேலியகொடை பகுதியைச் சேர்ந்த 63 வயதுடையவர் ஆவார்.

கைது செய்யப்பட்ட சந்தேக நபரிடம் இருந்து 05 கிராம் 400 மில்லி கிராம் ஹெரோயின் போதைப்பொருள் பொலிஸாரால் கைப்பற்றப்பட்டுள்ளது.

இது தொடர்பான மேலதிக விசாரணைகளை அத்துருகிரிய மற்றும் பேலியகொடை பொலிஸார் மேற்கொண்டு வருகின்றனர்.