தவறவிடாதீர்கள்..!உடனே பதிவு செய்யுங்கள்

ஸ்ரீலங்கா பொதுஜன பெரமுனவின் தேசிய அமைப்பாளரும், முன்னாள் அமைச்சருமான நாமல் ராஜபக்ஷ மற்றும் அவரது பாரியார் லிமினி ராஜபக்ஷ ஆகியோர் பொதுத் தேர்தலுக்கான வாக்குகளைப் பதிவு செய்தனர்.

மெதமுல டி.ஏ. ராஜபக்ஷ வித்தியாலயத்தில் இன்று வியாழக்கிழமை (14) காலை தங்களது வாக்குகளைப் பதிவு செய்தனர்.

இதன் பின்னர் நாமல் ராஜபக்ஷ ஊடகங்களுக்குக் கருத்துத் தெரிவிக்கும் போது,

"ஒரு கட்சி என்ற வகையில், இந்த ஆண்டு பொதுத் தேர்தலை நாங்கள் வலுவான மற்றும் சிறந்த நிலைப்பாட்டுடன் எதிர்கொள்கிறோம். ஸ்ரீலங்கா பொதுஜன பெரமுனவின் எதிர்கால தேர்தல்களின் வெற்றியின் தொடக்கமாக இந்தத் தேர்தலை நாங்கள் கருதுகிறோம். 

இந்த பொதுத் தேர்தலை ஒரு புதிய தொடக்கம் என்று கூறலாம். நாட்டை நேசிக்கும், நாட்டின் ஒற்றுமையை நேசிக்கும், கலாச்சாரத்தை நேசிக்கும் ஒரு அரசியல் தலைமுறை நம் நாட்டில் மீண்டும் உருவாக்குவோம் என்று நாங்கள் நம்புகிறோம் எனத் தெரிவித்தார்.