தவறவிடாதீர்கள்..!உடனே பதிவு செய்யுங்கள்

கைக்குண்டு, துப்பாக்கி , வாள், தோட்டாக்கள் மற்றும் இரண்டு கத்திகள் உள்ளிட்ட ஆயுதங்களுடன் லொறி ஒன்று நேற்று புதன்கிழமை (13) கைப்பற்றப்பட்டுள்ளதாக சூரியவெவ பொலிஸார் தெரிவித்தனர்.

சூரியவெவ பொலிஸாருக்கு கிடைத்த தகவலின் பேரில் மேற்கொள்ளப்பட்ட சுற்றிவளைப்பில் இந்த லொறி கைப்பற்றப்பட்டுள்ளது.

வாக்கெடுப்பு நிலையத்தின் மீது தாக்குதல் நடத்துவதற்காக இந்த ஆயுதங்களைத் தயாராக வைத்திருந்துள்ளதாக பொலிஸ் விசாரணையில் தெரியவந்துள்ளது.

இது தொடர்பில் லொறியின் உரிமையாளரிடம் வாக்கு மூலம் பெற்றுள்ளதாக பொலிஸார் மேலும் தெரிவித்தனர்.

இது தொடர்பான மேலதிக விசாரணைகளை சூரியவெவ பொலிஸார் மேற்கொண்டு வருகின்றனர்.