தவறவிடாதீர்கள்..!உடனே பதிவு செய்யுங்கள்

புஸ்ஸல்லாவை - மெல்பட்வத்த பகுதியில் வேலை செய்துக் கொண்டிருந்த தோட்ட தொழிலாளர்கள் மீது குளவி கொட்டியதில் ஒருவர் உயிரிழந்துள்ளதாக பொலிஸார் தெரிவித்துள்ளனர்.

சம்பவம் நேற்று செவ்வாய்க்கிழமை (12) இடம்பெற்றுள்ளதாக பொலிஸார் தெரிவித்துள்ளனர்.

குளவி கொட்டுக்கு இலக்காகிய ஆறு பேர் கம்பளை வைத்தியசாலையில் அனுமதிக்கப்பட்ட பின்னர்  சிகிச்சை பலனின்றி ஒருவர் உயிரிழந்துள்ளதாக பொலிஸார் தெரிவித்துள்ளனர்.

உயிரிழந்தவர்  புஸ்ஸல்லாவை - மெல்பட்வத்த பகுதியைச் சேர்ந்த 50 வயதுடையவராவார்.

மேலும்,குளவிக்கொட்டுக்கு இலக்காகிய  மற்றொருவர்  ஆபத்தான நிலையில் கம்பளை வைத்தியசாலையில் சிகிச்சை பெற்று வருவதுடன், ஏனைய 04 பேர் சிகிச்சை பெற்று வெளியேறியுள்ளதாக பொலிஸார் தெரிவித்துள்ளனர்.