தவறவிடாதீர்கள்..!உடனே பதிவு செய்யுங்கள்

விளக்கமறியலில் வைக்கப்பட்டுள்ள முன்னாள் இராஜாங்க அமைச்சர் லொஹான் ரத்வத்தையை பிணையில் விடுவிக்குமாறு கோரி தாக்கல் செய்யப்பட்ட மனு எதிர்வரும் 19 ஆம் திகதி விசாரணைக்கு எடுத்துக் கொள்ளப்படும் என மேன்முறையீட்டு நீதிமன்றம் இன்று திங்கட்கிழமை (11) உத்தரவிட்டுள்ளது.

லொஹான் ரத்வத்தையின் மனைவி ஷஷி பிரபா ரத்வத்தைக்குச் சொந்தமான நுகேகொடை, மிரிஹான பிரதேசத்தில் உள்ள வீடொன்றில் இருந்து பதிவுசெய்யப்பட்ட இலக்கத்தகடு இல்லாத சொகுசு கார் ஒன்று கடந்த ஒக்டோபர் மாதம் 26 ஆம் திகதி மிரிஹான பொலிஸாரால் கண்டுபிடிக்கப்பட்டிருந்தது.

இதனையடுத்து,பொலிஸாரால் மேற்கொள்ளப்பட்ட விசாரணையில் லொஹான் ரத்வத்தையும் அவரது மனைவியும் கைது செய்யப்பட்டு நீதிமன்றில் ஆஜர்படுத்தப்பட்ட பின்னர் விளக்கமறியலில் வைக்கப்பட்டுள்ளனர். 

இந்நிலையில், தன்னை பிணையில் விடுவிக்குமாறு கோரி முன்னாள் இராஜாங்க அமைச்சர் லொஹான் ரத்வத்தை மேன்முறையீட்டு நீதிமன்றில் மனு தாக்கல் செய்துள்ள நிலையில் இந்த மனு  எதிர்வரும் 19 ஆம் திகதி விசாரணைக்கு எடுத்துக் கொள்ளப்படும் என நீதிமன்றம் உத்தரவிட்டுள்ளது.