தவறவிடாதீர்கள்..!உடனே பதிவு செய்யுங்கள்

வென்னப்புவ பொலிஸ் பிரிவுக்குட்பட்ட கிம்புல்கால பிரதேசத்தில்  வீடொன்றுக்கு அருகில், துப்பாக்கிச் சூடு நடத்திய சம்பவம் தொடர்பில்  இரண்டு சந்தேக நபர்கள் நேற்று சனிக்கிழமை (09) பொலிஸாரால் கைது செய்யப்பட்டுள்ளனர்.

கடந்த 07ஆம் திகதி மாரவில பிரதேசத்தைச் சேர்ந்த 43 வயதுடைய நபரும், வென்னப்புவ பிரதேசத்தைச் சேர்ந்த 65 வயதுடைய பெண் ஒருவருமே இத்துப்பாக்குச் சூட்டுக்கு இலக்காகியுள்ளனர்.

இதனையடுத்து, கைது செய்யப்பட்டவர்களிடமிருந்து துப்பாக்கிச் சூட்டுக்கு பயன்படுத்தப்பட்டதாக சந்தேகிக்கப்படும் வெளிநாட்டில் தயாரிக்கப்பட்ட 12 போர் ரக துப்பாக்கி பொலிஸாரால் கைப்பற்றப்பட்டுள்ளது.

கைது செய்யப்பட்ட சந்தேக நபர்கள் 25 மற்றும் 37 வயதுடைய வென்னப்புவ, லுனுவில ஆகிய பிரதேசங்களைச் சேர்ந்தவர்கள் ஆவர்.

இது தொடர்பான மேலதிக விசாரணைகளில் வென்னப்புவ பொலிஸார் ஈடுபட்டு வருகின்றனர்.