தவறவிடாதீர்கள்..!உடனே பதிவு செய்யுங்கள்

தமிழ் திரையுலகின் முன்னணி நட்சத்திர நடிகையும், பரத நாட்டிய கலைஞருமான தான்யா ரவிச்சந்திரன் கதையின் நாயகியாக முதன்மையான கதாபாத்திரத்தில் நடித்திருக்கும் 'பி பி 180' எனும் திரைப்படத்தின் ஃபர்ஸ்ட் லுக் வெளியிடப்பட்டிருக்கிறது.

இயக்குநர் ஜே பி இயக்கத்தில் உருவாகி வரும் 'பி பி 180' எனும் திரைப்படத்தில் மறைந்த நடிகர் டேனியல் பாலாஜி கதையின் நாயகனாகவும், நடிகை தானியா ரவிச்சந்திரன்  கதையின் நாயகியாகவும் அழுத்தமான வேடத்தில் நடித்திருக்கிறார்கள். 

ராமலிங்கம் ஒளிப்பதிவு செய்திருக்கும் இந்த திரைப்படத்திற்கு ஜிப்ரான் இசையமைத்திருக்கிறார். 

மருத்துவத்தை மையப்படுத்திய இந்த திரைப்படத்தை அதுல் இந்தியா மூவிஸ் எனும் நிறுவனம் சார்பில் தயாரிப்பாளர் அதுல் எம். போஸ்மியா தயாரித்திருக்கிறார்.

இந்த திரைப்படத்தின் படப்பிடிப்பு பணிகள் நிறைவடைந்து தற்போது படப்பிடிப்புக்கு பிந்தைய தொழில்நுட்ப பணிகள் விறுவிறுப்பாக நடைபெற்று வருகிறது. 

இந்நிலையில் படத்தின் டைட்டில் மற்றும் ஃபர்ஸ்ட் லுக் வெளியிடப்பட்டிருக்கிறது. இதில் தான்யா ரவிச்சந்திரனும், டேனியல் பாலாஜியும் தோன்றியிருப்பது ரசிகர்களை வெகுவாக கவர்ந்திருக்கிறது.