தவறவிடாதீர்கள்..!உடனே பதிவு செய்யுங்கள்

புதுமுக நடிகர் ஜெகவீர் இளமையான கதாபாத்திரத்தில் நடித்திருக்கும் '2K லவ் ஸ்டோரி ' எனும் திரைப்படத்தின் கிளர்வோட்டம் வெளியிடப்பட்டிருக்கிறது.

முன்னணி நட்சத்திர இயக்குநரான சுசீந்திரன் இயக்கத்தில் உருவாகி இருக்கும் '2K லவ் ஸ்டோரி' எனும் திரைப்படத்தில் ஜெகவீர், மீனாட்சி கோவிந்தராஜன், பால சரவணன், சிங்கம் புலி, ஜெயப்பிரகாஷ், ஜி. பி. முத்து உள்ளிட்ட பலர் நடித்திருக்கிறார்கள்.

வி. எஸ். ஆனந்த கிருஷ்ணா ஒளிப்பதிவு செய்திருக்கும் இந்த திரைப்படத்திற்கு டி .இமான் இசையமைத்திருக்கிறார்.

இணைய தலைமுறையினரின் காதலை மையப்படுத்தி உருவாகி இருக்கும் இந்தத் திரைப்படத்தை சிட்டி லைட் பிக்சர்ஸ் நிறுவனம் சார்பில் தயாரிப்பாளர் விக்னேஷ் சுப்பிரமணியன் தயாரித்திருக்கிறார்.

எதிர்வரும் டிசம்பர் மாதம் 13 ஆம் திகதியன்று உலகம் முழுவதும் பட மாளிகையில் வெளியாகும் என அறிவிக்கப்பட்டிருக்கும் இந்த திரைப்படத்தின் கிளர்வோட்டம் வெளியிடப்பட்டிருக்கிறது.

இதில் இன்றைய இளம் தலைமுறையினர் விரும்பும் நெருக்கமான காதல் காட்சிகளும், அனைத்து தரப்பினரும் விரும்பும் நட்பு - உறவு குறித்த காட்சிகளும் இடம் பிடித்திருப்பதால்... ரசிகர்களிடம் பெரும் வரவேற்பினை பெற்றிருக்கிறது.